পাংডুরংগাষ্টকং

.. পাংডুরংগাষ্টকং ..

মহাযোগপীঠে তটে ভীমরথ্যা
বরং পুণ্ডরীকায দাতুং মুনীন্দ্রৈঃ .
সমাগত্য নিষ্ঠন্তমানংদকংদং
পরব্রহ্মলিঙ্গং ভজে পাণ্ডুরঙ্গম্ .. ১..
তটিদ্বাসসং নীলমেঘাবভাসং
রমামংদিরং সুংদরং চিত্প্রকাশম্ .
বরং ত্বিষ্টকাযাং সমন্যস্তপাদং
পরব্রহ্মলিঙ্গং ভজে পাণ্ডুরঙ্গম্ .. ২..
প্রমাণং ভবাব্ধেরিদং মামকানাং
নিতম্বঃ করাভ্যাং ধৃতো যেন তস্মাত্ .
বিধাতুর্বসত্যৈ ধৃতো নাভিকোশঃ
পরব্রহ্মলিঙ্গং ভজে পাণ্ডুরঙ্গম্ .. ৩..
স্ফুরত্কৌস্তুভালঙ্কৃতং কণ্ঠদেশে
শ্রিযা জুষ্টকেযূরকং শ্রীনিবাসম্ .
শিবং শাংতমীড্যং বরং লোকপালং
পরব্রহ্মলিঙ্গং ভজে পাণ্ডুরঙ্গম্ .. ৪..
শরচ্চংদ্রবিংবাননং চারুহাসং
লসত্কুণ্ডলাক্রাংতগণ্ডস্থলাংতম্ .
জপারাগবিংবাধরং ক~জনেত্রং
পরব্রহ্মলিঙ্গং ভজে পাণ্ডুরঙ্গম্.. ৫..
কিরীটোজ্বলত্সর্বদিক্প্রাংতভাগং
সুরৈরর্চিতং দিব্যরত্নৈরনর্ঘৈঃ .
ত্রিভঙ্গাকৃতিং বর্হমাল্যাবতংসং
পরব্রহ্মলিঙ্গং ভজে পাণ্ডুরঙ্গম্.. ৬..
বিভুং বেণুনাদং চরংতং দুরংতং
স্বযং লীলযা গোপবেষং দধানম্ .
গবাং বৃন্দকানন্দদং চারুহাসং
পরব্রহ্মলিঙ্গং ভজে পাণ্ডুরঙ্গম্ .. ৭..
অজং রুক্মিণীপ্রাণসঞ্জীবনং তং
পরং ধাম কৈবল্যমেকং তুরীযম্ .
প্রসন্নং প্রপন্নার্তিহং দেবদেবং
পরব্রহ্মলিঙ্গং ভজে পাণ্ডুরঙ্গম্ .. ৮..
স্তবং পাণ্ডুরংগস্য বৈ পুণ্যদং যে
পঠন্ত্যেকচিত্তেন ভক্ত্যা চ নিত্যম্ .
ভবাংভোনিধিং তে বিতীর্ত্বান্তকালে
হরেরালযং শাশ্বতং প্রাপ্নুবন্তি ..
.. ইতি শ্রীমত্পরমহংসপরিব্রাজকাচার্যস্য
   শ্রীগোবিন্দভগবত্পূজ্যপাদশিষ্যস্য
   শ্রীমচ্ছঙ্করভগবতঃ কৃতৌ
   পাণ্ডুরঙ্গাষ্টকং সংপূর্ণম্ ..