দক্ষিণামূর্তি নবরত্নমালিকা স্তোত্রম্

.. শ্রী দক্ষিণামূর্তি নবরত্নমালিকা স্তোত্রম্ ..
.. শ্রী দক্ষিণামূর্তি নবরত্নমালিকা স্তোত্রম্ ..
মূলেবটস্য মুনিপুঙ্গবসেব্যমানং
   মুদ্রাবিশেষমুকুলীকৃতপাণিপদ্মম্ .
মন্দস্মিতং মধুরবেষমুদারমাদ্যং
   তেজস্তদস্তু হৃদি মে তরুণেন্দুচূডম্ .. ১..
শান্তং শারদচন্দ্রকান্তিধব঳ং চন্দ্রাভিরমাননং
   চন্দ্রার্কোপমকান্তিকুণ্ডলধরং চন্দ্রাবদাতাংশুকম্ .
বীণাপুস্তকমক্ষসূত্রবলযং ব্যাখ্যানমুদ্রাংকরৈ-
   র্বিভ্রাণং কলযে হৃদা মম সদা
শাস্তারমিষ্টার্থদম্ .. ২..
কর্পূরপাত্রমরবিন্দদ঳াযতাক্ষং
   কর্পূরশীতলহৃদং করুণাবিলাসম্ .
চন্দ্রার্ধশেখরমনন্তগুণাভিরাম-
   মিন্দ্রাদিসেব্যপদপঙ্কজমীশমীডে .. ৩..
দ্যুদ্রোধঃ স্বর্ণমযাসনস্থং
   মুদ্রোল্লসদ্বাহুমুদারকাযম্ .
সদ্রোহিণীনাথক঳াবতংসং
   ভদ্রোদধিং কঞ্চন চিন্তযামঃ .. ৪..
উদ্যদ্ভাস্করসন্নিভং ত্রিণযনং শ্বেতাঙ্গরাগপ্রভং
   বালং মৌঞ্জিধরং প্রসন্নবদনং ন্যগ্রোধমূলেস্থিতম্ .
পিঙ্গাক্ষং মৃগশাবকস্থিতিকরং সুব্রহ্মসূত্রাকৃতিম্
   ভক্তানামভযপ্রদং ভযহরং শ্রীদক্ষিণামূর্তিকম্ ..
৫..
শ্রীকান্তদ্রুহিণোপমন্যু তপন স্কন্দেন্দ্রনন্দ্যাদযঃ
   প্রাচীনাগুরবোঽপিযস্য করুণালেশাদ্গতাগৌরবম্ .
তং সর্বাদিগুরুং মনোজ্ঞবপুষং মন্দস্মিতালঙ্কৃতং
   চিন্মুদ্রাকৃতিমুগ্ধপাণিন঳িনং চিত্তং শিবং কুর্মহে .. ৬..
কপর্দিনং চন্দ্রক঳াবতংসং
   ত্রিণেত্রমিন্দুপতিমাননোজ্বলম্ .
চতুর্ভুজং জ্ঞানদমক্ষসূত্র-
   পুস্তাগ্নিহস্তং হৃদি ভাবযেচ্ছিবম্ .. ৭..
বামোরূপরিসংস্থিতাং গিরিসুতামন্যোন্যমালিংগিতাং
   শ্যামামুত্পলধারিণী শশিনিভাংচালোকযন্তং শিবম্ .
আশ্লিষ্টেন করেণ পুস্তকমধো কুংভং সুধাপূরিতং
   মুদ্রাং জ্ঞানমযীং দধানমপরৈর্মুক্তাক্ষমালাং ভজে
.. ৮..
বটতরুনিকটনিবাসং পটুতরবিজ্ঞানমুদ্রিতকরাব্জম্ .
কঞ্চনদেশিকমাদ্যং কৈবল্যানন্দকন্দ঳ং বন্দে .. ৯..
ইতি শ্রী দক্ষিণামূর্তি নবরত্নমালা স্তোত্রং সংপূর্ণম্ ..