রুদ্রকবচম্

.. রুদ্রকবচম্ ( স্কংদপুরাণ ) ..

রুদ্রকবচম্
        .. অথ শ্রী রুদ্রকবচম্ ..

৐ অস্য শ্রী রুদ্র কবচ স্তোত্র মহা মংত্রস্য
দূর্বাসঋষিঃ অনুষ্ঠুপ্ ছংদঃ ত্র্যংবক রুদ্রো দেবতা
হ্রাম্ বীজম্ শ্রীম্ শক্তিঃ হ্রীম্ কীলকম্
মম মনসোভীষ্টসিদ্ধ্যর্থে জপে বিনিযোগঃ
হ্রামিত্যাদিষড্বীজৈঃ ষডংগন্যাসঃ ..

.. ধ্যানম্ ..

শাংতম্ পদ্মাসনস্থম্ শশিধরমকুটম্
পংচবক্ত্রম্ ত্রিনেত্রম্ শূলম্ বজ্রংচ খড্গম্
পরশুমভযদম্ দক্ষভাগে মহন্তম্ .
নাগম্ পাশম্ চ ঘংটাম্ প্র঳য হুতবহম্
সাংকুশম্ বামভাগে নানালংকারযুক্তম্
স্ফটিকমণিনিভম্ পার্বতীশম্ নমামি ..

.. দূর্বাস উবাচ ..
প্রণম্য শিরসা দেবম্ স্বযংভু পরমেশ্বরম্ .
একম্ সর্বগতম্ দেবম্ সর্বদেবমযম্ বিভুম্ .
রুদ্র বর্ম প্রবক্ষ্যামি অংগ প্রাণস্য রক্ষযে .
অহোরাত্রমযম্ দেবম্ রক্ষার্থম্ নির্মিতম্ পুরা ..

রুদ্রো মে জাগ্রতঃ পাতু পাতু পার্শ্বৌহরস্তথা .
শিরোমে ঈশ্বরঃ পাতু ললাটম্ নীললোহিতঃ .
নেত্রযোস্ত্র্যংবকঃ পাতু মুখম্ পাতু মহেশ্বরঃ .
কর্ণযোঃ পাতু মে শংভুঃ নাসিকাযাম্ সদাশিবঃ .
বাগীশঃ পাতু মে জিহ্বাম্ ওষ্ঠৌ পাত্বংবিকাপতিঃ .
শ্রীকণ্ঠঃ পাতু মে গ্রীবাম্ বাহো চৈব পিনাকধৃত্ .
হৃদযম্ মে মহাদেবঃ ঈশ্বরোব্যাত্ স্সনান্তরম্ .
নাভিম্ কটিম্ চ বক্ষশ্চ পাতু সর্বম্ উমাপতিঃ .
বাহুমধ্যান্তরম্ চৈব সূক্ষ্ম রূপস্সদাশিবঃ .
স্বরংরক্ষতু মেশ্বরো গাত্রাণি চ যথা ক্রমম্
বজ্রম্ চ শক্তিদম্ চৈব পাশাংকুশধরম্ তথা .
গণ্ডশূলধরান্নিত্যম্ রক্ষতু ত্রিদশেশ্বরঃ .
প্রস্তানেষু পদে চৈব বৃক্ষমূলে নদীতটে
সংধ্যাযাম্ রাজভবনে বিরূপাক্ষস্তু পাতু মাম্ .
শীতোষ্ণা দথকালেষু তুহিনদ্রুমকংটকে .
নির্মনুষ্যে সমে মার্গে পাহি মাম্ বৃষভধ্বজ .
ইত্যেতদ্দ্রুদ্রকবচম্ পবিত্রম্ পাপনাশনম্ .
মহাদেব প্রসাদেন দূর্বাস মুনিকল্পিতম্ .
মমাখ্যাতম্ সমাসেন নভযম্ তেনবিদ্যতে .
প্রাপ্নোতি পরম আরোগ্যম্ পুণ্যমাযুষ্যবর্ধনম্
বিদ্যার্থী লভতে বিদ্যাম্ ধনার্থী লভতে ধনম্ .
কন্যার্থী লভতে কন্যাম্ নভয বিন্দতে ক্বচিত্ .
অপুত্রো লভতে পুত্রম্ মোক্ষার্থী মোক্ষ মাপ্নুযাত্ .
ত্রাহি ত্রাহি মহাদেব ত্রাহি ত্রাহি ত্রযীময .
ত্রাহিমাম্ পার্বতীনাথ ত্রাহিমাম্ ত্রিপুরংতক
পাশম্ খট্বাংগ দিব্যাস্ত্রম্ ত্রিশূলম্ রুদ্রমেবচ .
নমস্করোমি দেবেশ ত্রাহিমাম্ জগদীশ্বর .
শত্রু মধ্যে সভামধ্যে গ্রামমধ্যে গৃহান্তরে .
গমনেগমনে চৈব ত্রাহিমাম্ ভক্তবত্সল .
ত্বম্ চিত্বমাদিতশ্চৈব ত্বম্ বুদ্ধিস্ত্বম্ পরাযণম্ .
কর্মণামনসা চৈব ত্বংবুদ্ধিশ্চ যথা সদা .
সর্ব জ্বর ভযম্ ছিন্দি সর্ব শত্রূন্নিবক্ত্যায .
সর্ব ব্যাধিনিবারণম্ রুদ্রলোকম্ সগচ্ছতি
রুদ্রলোকম্ সগচ্ছত্যোন্নমঃ ..

.. ইতি স্কংদপুরাণে দূর্বাস প্রোক্তম্ রুদ্রকবচম্ সংপূর্ণম্ ..