শম্ভুস্তোত্রম্

.. শম্ভুস্তোত্রম্ ..
নানাযোনিসহস্রকোটিষু মুহুঃ সংভূয সংভূয তদ্-
গর্ভাবাসনিরন্তদুঃখনিবহং বক্তুং ন শক্যং চ তত্ .
ভূযো ভূয ইহানুভূয সুতরাং কষ্টানি নষ্টোঽস্ম্যহং
ত্রাহি ত্বং করুণাতরঙ্গিতদৃশা শংভো দযাম্ভোনিধে .. ১ ..
বাল্যে তাডনপীডনৈর্বহুবিধৈঃ পিত্রাদিভির্বোধিতঃ
তত্কালোচিতরোগজালজনিতৈর্দুঃখৈরলং বাধিতঃ .
লীলালৌল্যগুণীকৃতৈশ্চ বিবিধৈর্দুশ্চোষ্টিতৈঃ ক্লেশিতঃ
সোঽহং ত্বাং শরণং ব্রজাম্যব বিভো শংভো দযাম্ভোনিধে .. ২ ..
তারুণ্যে মদনেন পীডিততনুঃ কামাতুরঃ কামিনী-
সক্তস্তদ্বশগঃ স্বধর্মবিমুখঃ সদ্ভিঃ সদা দূষিতঃ .
কর্মাকার্ষমপারনারকফলং সৌখ্যাশযা দুর্মতিঃ
ত্রাহি ত্বং করুণাতরঙ্গিতদৃশা শংভো দযাম্ভোনিধে .. ৩ ..
বৃদ্ধত্বে গলিতাখিলেন্দ্রিযবলো বিভ্রষ্টদন্তাবলিঃ
শ্বেতীভূতশিরাঃ সুজর্জরতনুঃ কম্পাশ্রযোঽনাশ্রযঃ .
লালোচ্ছিষ্টপুরীষমূত্রসলিলক্লিন্নোঽস্মি দীনোঽস্ম্যহং
ত্রাহি ত্বং করুণাতরঙ্গিতদৃশা শংভো দযাম্ভোনিধে .. ৪ ..
ধ্যাতং তে পদাম্বুজং সকৃদপি ধ্যাতং ধনং সর্বদা
পূজা তে ন কৃতা কৃতা স্ববপুষঃ স্ত্রগ্গন্ধলেপার্চনৈঃ .
নান্নাদ্যৈঃ পরিতর্পিতা দ্বিজবরা জিহ্বৈব সংতর্পিতা
পাপিষ্ঠেন মযা সদাশিব বিভো শংভো দযাম্ভোনিধে .. ৫ ..
সংধ্যাস্নানজপাদি কর্ম ন কৃতং ভক্ত্যা কৃতং দুষ্কৃতং
ত্বন্নামেশ ন কীর্তিতং ত্বতিমুদা দুর্ভাষিতং ভাষিতম্ .
ত্বন্মূর্তির্ন বিলোকিতা পুনরপি স্ত্রীমূর্তিরালোকিতা
ভোগাসক্তিমতা মযা শিব বিভো শংভো দযাম্ভোনিধে .. ৬ ..
সংধ্যাধ্যানজপাদিকর্মকরণে শক্তোঽস্মি নৈব প্রভো
দাতুং হন্ত মতিং প্রতীপকরণে দারাদিবন্ধাস্পদে .
নামৈকং তব তারকং মম বিভো হ্যন্যন্ন চাস্তি ক্বচিত্
ত্রাহি ত্বং করুণাতরঙ্গিতদৃশা শংভো দযাম্ভোনিধে .. ৭ ..
কুম্ভীপাকধুরংধরাদিষু মহাবীজাদিষু প্রোদ্ধতং
ঘোরং নারকদুঃখমীষদপি বা সোঢুং ন শক্তোঽস্ম্যহম্ .
তস্মাত্ ত্বাং শরণং ব্রজামি সততং জানামি ন ত্বাং বিনা
ত্রাহি ত্বং করুণাতরঙ্গিতদৃশা শংভো দযাম্ভোনিধে .. ৮ ..
মাতা বাপি পিতা সুতোঽপি ন হিতো ভ্রাত্রাদযো বান্ধবাঃ
সর্বে স্বার্থপরা ভবন্তি খলু মাং ত্রাতুং ন কেঽপি ক্ষমাঃ .
দূতেভ্যো যমচোদিতেভ্য ইহ তু ত্বামন্তরা শংকর
ত্রাহি ত্বং করুণাতরঙ্গিতদৃশা শংভো দযাম্ভোনিধে .. ৯ ..
.. শংভুস্তোত্রং সংপূর্ণম্ ..