তুলসী পূজা

.. তুলসী পূজা ..
.. অথ তুলসী পূজা প্রারংভঃ ..
.. শ্রীগণেশায নমঃ ..
.. অথ তুলসীপূজনং লিখ্যতে ..

শ্রীমহাদেব উবাচ..

শুভে পক্ষে শুভে বারে শুভে ঋক্ষে শুভোদযে .
কেশবার্থে শুভাংশে চ রোপযেত্তুলসীং মুনিঃ ..১..
গৃহস্থো গৃহমধ্যে বা গৃহস্থোপবনেপি বা .
শুচৌ দেশে তু তুলসীমর্চ্চযেদ্বুদ্ধিমান্নরঃ ..২..
মূলে চ বেদিকাং কৃত্বা আলবালসমন্বিতাম্ .
প্রাতঃসংধ্যাবিধিং কৃত্বা স্নানপূর্বং দিনে দিনে ..৩..
গাযত্র্যষ্টজপং কৃত্বা তুলসীং পূজযেত্ততঃ .
প্রাঙ্মুখোদঙ্মুখো বাপি স্থিত্বা প্রযতমানসঃ ..৪..
ধ্যাযেচ্চ তুলসীং দেবীং শ্যামাং কমললোচনাম্
প্রসন্নপদ্মকল্হারবরাভযচতুর্ভুজাম্ ..৫..
কিরীটহারকেযূরকুংডলাদিবিভূষিতাম্ .
ধবলাংশুকসংযুক্তাং পদ্মাসননিষেদুষীম্ ..৬.. ইতি ধ্যানম্..

দেবি ত্রৈলোক্যজননি সর্বলোকৈকপাবনি .
আগচ্ছ ভগবত্যত্র প্রসীদ তুলসি দ্রুতম্ ..৭.. আবাহনম্..

সর্ব দেবমযে দেবি সর্বদা বিষ্ণুবল্লভে .
রত্নস্বর্ণমযং দিব্যং গৃহাণাসনমব্যযে ..৮.. আসনম্..

সর্বদেবমযাকারে সর্বদেবনমোঽস্তুতে .
পাদ্যং গৃহাণ দেবেশি তুলসি ত্বং প্রসীদ মে ..৯.. পাদ্যম্..

সর্ব দেবমযাকারে সর্বাংগমণিশোভিতে .
ইদমর্ঘংগৃহানত্বং দেবি দৈত্যাংন্তকপ্রিযে ..১০.. অর্ঘ্যম্..

সর্বলোকস্য রক্ষার্থং সদা সংনিধিকাররিণি..
গৃহাণ তুলসি প্রীত্যা ইদমাচমনীযকং ..১১.. আচমনম্..

গংগাদিভ্যো নদীভ্যশ্চ সমানীতমিদং জলম্ .
স্নানার্থং তুলসি স্বচ্ছং প্রীত্যা তত্প্রতিগৃত্দ্যতাম্ ..১২.. স্নানম্..

ক্ষিরোদমথনোদ্ভূতে চংদ্রলক্ষ্মীসহোদরে .
গৃত্দ্যতাং পরিধানার্থমিদং ক্ষৌমাংবরং শুভে ..১৩.. বস্ত্রম্..

শ্রীগংধং কুংকুমং দিব্যং কর্পূরাগরুসংযুতম্ .
কল্পিতং তে মহাদেবি প্রীত্যর্থং প্রতিগৃত্দ্যতাম্ ..১৪.. গংধম্..

নীলোত্পলং তু কল্হারমালত্যাদীনি শোভনে .
পদ্মাদিগংধবংতীনি পুষ্পাণি প্রতিগৃত্দ্যতাম্ ..১৫.. পুষ্পম্..

ধূপং গৃহাণ্ দেবেশি মনোহারি সগুগ্গলম্ .
আজ্যমিস্রং তু তুলসি ভক্তাভিষ্টপ্রদাযিনি ..১৬.. ধূপম্..

অজ্ঞানতিমিরাংধস্য জ্ঞানদীপপ্রদাযিনী .
ত্বযা তু তুলসি প্রিতা দীপোযং প্রতিগৃত্দ্যতাম্ ..১৭.. দীপম্ ..

নমস্তে জগতাং নাথে প্রাণিনাং প্রিযদর্শনে .
যথাশক্তি মযা দত্তং নৈবেদ্যম্ প্রতিগৃত্দ্যতাম্ ..১৮.. নৈবেদ্যম্..

নমো ভগবতে শ্রেষ্ঠে নারযনজগন্মযে .
তুলসি ত্বরযা দেবি পানীযং প্রতিগৃত্দ্যতাম্ ..১৯.. পানীযম্..

অমৃতেমৃতসংভূতে তুলস্যমৃতরূপিণি .
কর্পূরাদিসমাযুক্তং তাংবূলং প্রতিগৃত্দ্যতাম্ ..২০.. তাংবূলম্..

দক্ষিণা দক্ষিণকরে ত্বদ্ভক্তানাং প্রিযংকরি .
করোমি তে সদা ভক্ত্যা বিষ্ণুকাংতে প্রদক্ষিণাম্ ..২১..
নমো নমো জগদ্ধাত্র্যৈ জগদাদ্যৈ নমো নমঃ .
নমো নমো জগদ্ভূত্যৈ নমস্তে পরমেশ্বরি ..২২..
প্রসীদ মম দেবেশি কৃপযা পরযা সদা .
অভিষ্টফলসিদ্ধ্যর্থ কুরু মে মাধবপ্রিযে ..২৩..
ইত্যেবমর্চ্চযেন্নিত্যং প্রাতরেব শুচির্নরঃ .
মধ্যাহ্নে বাথ সাযাহ্নে পূজযেত্প্রযতো নরঃ ..২৪..

..ইতি তুলসীপূজাসংপূর্ণা..