শ্রীকৃষ্ণকৃতম্ রাধাস্তোত্রম্

.. শ্রীকৃষ্ণকৃতম্ রাধাস্তোত্রম্ ..

শ্রীকৃষ্ণ উবাচ |
এবমেব প্রিযোঽহং তে প্রমোদশ্চৈব তে মযি |
সুব্যক্তমদ্য কাপট্যবচনং তে বরাননে || ১ ||
হে কৃষ্ণ ত্বং মম প্রাণা জীবাত্মেতি চ সংততম্ |
ব্রূষে নিত্যং তু যত্ প্রেম্ণা সাম্প্রতং তদ্ গতং দ্রুতম্ || ২ ||
অস্মাকং বচনং সত্যং যদ্ ব্রবীমিতী তদ্ ধ্রুবম্ |
পঞ্চপ্রাণাধিদেবী ত্বং রাধা প্রাণধিকেতি মে || ৩ ||
শক্তো ন রক্ষিতুং ত্বাং চ যান্তি প্রাণস্ত্বযা বিনা |
বিনাধিষ্ঠাতৃদেবীং চ কো বা কুত্র চ জীবতি || ৪ ||
মহাবিষ্ণোশ্চ মাতা ত্বং মূলপ্রকৃতিরীশ্বরী |
সগুণা ত্বং চ কলযা নির্গুণা স্বযমেব তু || ৫ ||
জ্যোতীরূপা নিরাকারা ভক্তানুগ্রহবিগ্রহা |
ভক্তানাং রুচিবৈচিত্র্যন্নানামূর্তীশ্চ বিভ্রমতী || ৬ ||
মহালক্ষ্মিশ্চ বৈকুণ্ঠে ভারতী চ সতাং প্রসূঃ |
পুণ্যক্ষেত্রে ভারতে চ সতী ত্বং পার্বতী তথা || ৭ ||
তুলসী পুণ্যরূপা চ গঙ্গা ভুবনপাবনী |
ব্রহ্মলোকে চ সাবিত্রী কলযা ত্বং বসুন্ধরা || ৮ ||
গোলোকে রাধিকা ত্বং চ সর্বগোপালকেশ্বরী |
ত্বযা বিনাহং নির্জীবো হ্যশক্তঃ সর্বকর্মসু || ৯ ||
শিবঃ শক্তস্ত্বযা শক্ত্যা শবাকারস্ত্বযা বিনা |
বেদকর্তা স্বযং ব্রহ্মা বেদমাত্রা ত্বযা সহ || ১০ ||
নারাযণস্ত্বযা লক্ষ্ম্যা জগত্পাতা জগত্পতিঃ |
ফলং দদাতি যজ্ঞশ্চ ত্বযা দক্ষিণযা সহ || ১১ ||
বিভর্তি সৃষ্টিং শেষশ্চ ত্বাং কৃত্বা মস্তকে ভুবম্ |
বিভর্তি গঙ্গারূপাং ত্বাং মূর্ঘ্নি গঙ্গাধরঃ শিবঃ || ১২ ||
শক্তিমচ্চ জগত্ সর্বং শবরূপং ত্বযা বিনা |
বক্তা সর্বস্ত্বযা বাণ্যা সূতো মূকস্ত্বযা বিনা || ১৩ ||
যথা মৃদা ঘটং কর্তুং কুলালঃ শক্তিমান্ সদা |
সৃষ্টিং স্রষ্টুং তথাহং চ প্রকৃত্যা চ ত্বযা সহ || ১৪ ||
ত্বযা বিনা জডশ্চাহং সর্বত্র চ ন শক্তিমান্ |
সর্বশক্তিখরূপা ত্বং সমাগচ্ছ মমান্তিকম্ || ১৫ ||
বহ্নৌ ত্বং দাহিকা শক্তির্নাগ্নিঃ শক্তস্ত্বযা বিনা |
শোভাস্বরূপা চন্দ্রে ত্বং ত্বাং বিনা ন স সুন্দরঃ || ১৬ ||
প্রভারূপা হি সূর্যে ত্বং বিনা ন স ভানুমান্ |
ন কামঃ কামিনীবন্ঘুস্ত্বযা রত্যা বিনা প্রিযে || ১৭ ||
ইত্যেবং স্তবনং কৃত্বা তাং সম্প্রাষ জগত্প্রভুঃ |
দেবা বভূবুঃ সথীকাঃ সভার্যাঃ শক্তিসংযুতাঃ || ১৮ ||
সস্ত্রীকং চ জগত্ সর্বং বভূব্ শৈলকন্যকে |
গোপীপূর্ণশ্চ গোলোকো বভূব তত্প্রসাদতঃ || ১৯ ||
রাজা চ জগাম্ গোলোকমিতি স্তুত্বা হরিপ্রিযাম্ |
শ্রীকৃষ্ণেন কৃতং স্তোত্রং রাধাযা যঃ পঠেন্নরঃ || ২০ ||
কৃষ্ণভক্তিং চ তদ্দাস্যং স প্রাপ্নোতি ন সংসযঃ |
স্ত্রীবিচ্ছেদেযঃ শৃণোতি মাসমেকমিদং শুচিঃ || ২১ ||
অচিরাল্লভতে ভার্যাং সুশীলাং সুন্দরীং সতীং |
ভার্যাহীনো ভাগ্যহীনো বর্ষমেকং শৃণোতি যঃ || ২২ ||
অচিরাল্লভতে ভার্যাং সুশীলাং সুন্দরীং সতীং |
পুর মযা চ ত্বং প্রাপ্তা স্তোত্রেণানেন পার্বতি || ২৩ ||
মৃতাযাং দক্ষকন্যাযামাজ্ঞযা পরমাত্মনঃ |
স্তোত্রেণানেন সম্প্রাপ্তা সাবিত্রী ব্রহ্মণা পুরা || ২৪ ||
পুরা দুর্বাসসঃ শাপান্নিঃশ্রীকে দেবতাগণে |
স্তোত্রেণানেন দেবৈস্তৈঃ সম্প্রাপ্তা শ্রীঃ সুদুর্লভা || ২৫ ||
শৃণোতি বর্ষমেকং চ পুত্রার্থি লভতে সুতম্ |
মহাব্যাধী রোগমুক্তো ভবেত্ স্তোত্রপ্রসাদতঃ || ২৬ ||
কার্তিকীপূর্ণমাযাং তু তাং সম্পূজ্য পঠেত্তু যঃ |
অচলাং শ্রিযমাপ্নোতি রাজসূযফলং লভেত্ || ২৭ ||
নারী শৃণোতি চেত্ স্তোত্রং স্বামিসৌভাগ্যসংযুতা |
ভক্ত্যা শৃণোতি যঃ স্তোত্রং বন্ধনান্মুচ্যতে ধ্রুবম্ || ২৮ ||
নিত্যং পঠতি যো ভক্ত্যা রাধাং সম্পূজ্য ভক্তিতঃ |
স প্রযাতি চ গোলোকং নির্মুক্তো ভববনাত্ || ২৯ ||

ইতি শ্রীব্রহ্মবৈবর্তে শ্রিকৃষ্ণকৃষ্ণকৃতং
শ্রীরাধাস্তোত্রং সম্পূর্ণম্ |