দত্তাত্রেয উপনিষদ্

.. দত্তাত্রেযোপনিষত্ ..

দত্তাত্রেযীব্রহ্মবিদ্যাসংবেদ্যানন্দবিগ্রহম্ .
ত্রিপান্নারাযণাকরং দত্তাত্রেযমুপাস্মহে ..
ॐ ভদ্রং কর্ণেভিঃ শ্রুণুযাম দেবা ভদ্রং পশ্যেমাক্ষভির্যজত্রাঃ ..
স্থিরৈরঙ্গৈস্তুষ্টুবাঁসস্তনূভির্ব্যশেম দেবহিতং যদাযুঃ ..
স্বস্তি ন ইন্দ্রো বৃদ্ধশ্রবাঃ স্বস্তি নঃ পূষা বিশ্ববেদাঃ ..
স্বস্তি নস্তার্ক্ষ্যো অরিষ্টনেমিঃ স্বস্তি নো বৃহস্পতির্দধাতু ..
ॐ শান্তিঃ শান্তিঃ শান্তিঃ ..
হরিঃ ॐ .. সত্যক্ষেত্রে ব্রহ্মা নারাযণং মহাসাম্রাজ্যং কিং
তারকং তন্নো ব্রূহি ভগবন্নিত্যুক্তঃ সত্যানন্দ সাত্ত্বিকং মামকং
ধামোপাস্বেত্যাহ . সদা দত্তোঽহমস্মীতি প্রত্যেতত্সংবদন্তি যেন তে
সংসারিণো ভবন্তি নারাযণেনৈবং বিবক্ষিতো ব্রহ্মা বিশ্বরূপধরং
বিষ্ণুং নারাযণং দত্তাত্রেঅযং ধ্যাত্বা সদ্বদতি . দমিতি হংসঃ .
দামিতি দীর্ঘং তদ্বীজং নাম বীজস্থম্ . দামিত্যেকাক্ষরং ভবতি .
তদেতত্তারকং ভবতি . তদেবোপাসিতব্যং বিজ্ঞেযং গর্ভাদিতারণম্ .
গাযত্রী ছন্দঃ . সদাশিব ঋষিঃ . দত্তাত্রেযো দেবতা . বটবীজস্থমিব
দত্তবীজস্থং সর্বং জগত্ . এতদৈবাক্ষরং ব্যাখ্যাতম্ . ব্যাখ্যাস্যে
ষডক্ষরম্ . ওমিতি দ্বিতীযম্ . হ্রীমিতি তৃতীযম্ . ক্লীমিতি চতুর্থম্ .
গ্লৌমিতি পঞ্চমম্ . দ্রামিতি ষট্কম্ . ষডক্ষরোঽযং ভবতি .
যোগানুভবো ভবতি . গাযত্রী ছন্দঃ . সদাশিব ঋষিঃ . দত্তাত্রেযো
দেবতা . দ্রমিত্যুক্ত্বা দ্রামিত্যুক্ত্বা বা দত্তাত্রেযায নম ইত্যষ্টাক্ষরঃ .
দত্তাত্রেযাযেতি সত্যানন্দচিদাত্মকম্ . নম ইতি পূর্ণানন্দকবিগ্রহম্ .
গাযত্রী ছন্দঃ . সদাশিব ঋষিঃ . দত্তাত্রেযো দেবতা . দত্তাত্রেযাযেতি
কীলকম্ . তদেব বীজম্ . নমঃ শক্তির্ভবতি . ওমিতি প্রথমম্ . আমিতি
দ্বিতীযম্ . হ্রীমিতি তৃতীযম্ . ক্রোমিতি চতুর্থম্ . এহীতি তদেব বদেত্ .
দত্তাত্রেযেতি স্বাহেতি মন্ত্ররাজোঽযং দ্বাদশাক্ষরঃ . জগতী ছন্দঃ .
সদাশিব ঋষিঃ . দত্তাত্রেযো দেবতা . ওমিতি বীজম্ .
স্বাহেতি শক্তিঃ . সংবুদ্ধিরিতি কীলকম্ . দ্রমিতি হৃদযে .
হ্রীং ক্লীমিতি শীর্ষে . এহীতি শিখাযাম্ . দত্তেতি কবচে .
আত্রেযেতি চক্ষুষি . স্বাহেত্যস্ত্রে . তন্মযো ভবতি .
য এবং বেদ . ষোডশাক্ষরং ব্যাখ্যাস্যে .
প্রাণং দেযম্ . মানং দেযম্ . চক্ষুর্দেযম্ . শ্রোত্রং দেযম্ .
ষড্দশশিরশ্ছিনত্তি ষোডশাক্ষরমন্ত্রে ন দেযো ভবতি .
অতিসেবাপরভক্তগুণবচ্ছিষ্যায বদেত্ . ওমিতি প্রথমং ভবতি .
ঐমিতি দ্বিতীযম্ . ক্রোমিতি তৃতীযম্ . ক্লীমিতি চতুর্থম্ .
ক্লূমিতি পঞ্চমম্ . হ্রামিতি ষষ্ঠম্ . হ্রীমিতি
সপ্তমম্ . হ্রূমিত্যষ্টমম্ . সৌরিতি নবমম্ .
দত্তাত্রেযাযেতি চতুর্দশম্ . স্বাহেতি ষোডশম্ .
গাযত্রী ছন্দঃ . সদাশিব ঋষিঃ . দত্তাত্রেযো দেবতা .
ॐ বীজম্ . স্বাহা শক্তিঃ . চতুর্থ্যন্তং কীলকম্ .
ওমিতি হৃদযে . ক্লাং ক্লীং ক্লূমিতি শিখাযাম্ . সৌরিতি
কবচে . চতুর্থ্যন্তং চক্ষুষি . স্বাহেত্যস্ত্রে . যো
নিত্যমধীযানঃ সচ্চিদানন্দ সুখী মোক্ষী ভবতি .
সৌরিত্যন্তে শ্রীবৈষ্ণব ইত্যুচ্যতে . তজ্জাপী বিষ্ণুরূপী
ভবতি . অনুষ্টুপ্ ছন্দো ব্যাখ্যাস্যে . সর্বত্র
সংবুদ্ধিরিমানীত্যুচ্যন্তে . দত্তাত্রেয হরে কৃষ্ণ
উন্মত্তানন্দদাযক . দিগংবর মুনে বালপিশাচ
জ্ঞানসাগর .. ১.. ইত্যুপনিষত্ . অনুষ্টুপ্ ছন্দঃ .
সদাশিব ঋষিঃ . দত্তাত্রেযো দেবতা দত্তাত্রেযেতি হৃদযে .
হরে কৃষ্ণেতি শীর্ষে . উন্মত্তানন্দেতি শিখাযাম্ .
দাযকমুন ইতি কবচে . দিগংবরেতি চক্ষুষি .
পিশাচজ্ঞানসাগরেত্যস্ত্রে . আনুষ্টুভোঽযং
মযাধীতঃ . অব্রহ্মজন্মদোষাশ্চ প্রণশ্যন্তি .
সর্বোপকারী মোক্ষী ভবতি . য এবং বেদেত্যুপনিষত্ .. ১..
ইতি প্রথমঃ খণ্ডঃ .. ১..
ওমিতি ব্যাহরেত্ . ॐ নমো ভগবতে দত্তাত্রেযায
স্মরণমাত্রসন্তুষ্টায মহাভযনিবারণায
মহাজ্ঞানপ্রদায চিদানন্দাত্মনে বালোন্মত্ত-
পিশাচবেষাযেতি মহাযোগিনেঽবধূতাযেতি
অনসূযানন্দবর্ধনাযাত্রিপুত্রাযেতি সর্বকামফল-
প্রদায ওমিতি ব্যাহরেত্ . ভববন্ধমোচনাযেতি
হ্রীমিতি ব্যাহরেত্ . সকলবিভূতি দাযেতি ক্রোমিতি ব্যাহরেত্ .
সাধ্যাকর্ষণাযেতি সৌরিতি ব্যাহরেত্ . সর্বমনঃ-
ক্ষোভণাযেতি শ্রীমিতি ব্যাহরেত্ . মহোমিতি ব্যাহরেত্ .
চিরঞ্জীবিনে বষডিতি ব্যাহরেত্ . বশীকুরুবশীকুরু
বৌষডিতি ব্যাহরেত্ . আকর্ষযাকর্ষয হুমিতি
ব্যাহরেত্ . বিদ্বেষযবিদ্বেষয ফডিতি ব্যাহরেত্ .
উচ্চাটযোচ্চাটয ঠঠেতি ব্যাহরেত্ . স্তম্ভয-
স্তম্ভয খখেতি ব্যাহরেত্ . মারযমারয নমঃ
সংপন্নায নমঃ সংপন্নায স্বাহা পোষযপোষয
পরমন্ত্রপরযন্ত্রপরতন্ত্রাংশ্ছিন্ধিচ্ছিন্ধি
গ্রহান্নিবারযনিবারয ব্যাধীন্নিবারযনিবারয দুঃখং
হরযহরয দারিদ্র্যং বিদ্রাবযবিদ্রাবয দেহং
পোষযপোষয চিত্তং তোষযতোষযেতি সর্বমন্ত্র-
সর্বযন্ত্রসর্বতন্ত্রসর্বপল্লবস্বরূপাযেতি ॐ নমঃ
শিবাযেত্যুপনিষত্ .. ২..
ইতি দ্বিতীযঃ খণ্ডঃ .. ২..
য এবং বেদ . অনুষ্টুপ্ ছন্দঃ . সদাশিব ঋষিঃ .
দত্তাত্রেযো দেবতা . ওমিতি বীজম্ . স্বাহেতি শক্তিঃ .
দ্রামিতি কীলকম্ . অষ্টমূর্ত্যষ্টমন্ত্রা ভবন্তি .
যো নিত্যমধীতে বায্বগ্নিসোমাদিত্যব্রহ্মবিষ্ণুরুদ্রৈঃ
পূতো ভবতি . গাযত্র্যা শতসহস্রং জপ্তং ভবতি .
মহারুদ্রশতসহস্রজাপী ভবতি . প্রণবাযুতকোটিজপ্তো ভবতি .
শতপূর্বাঞ্ছতাপরান্পুনাতি . স পঙ্ক্তিপাবনো ভবতি .
ব্রহ্মহত্যাদিপাতকৈর্মুক্তো ভবতি . গোহত্যাদিপাতকৈর্মুক্তো ভবতি .
তুলাপুরুষাদিদানৈঃ প্রপাপানতঃ পূতো ভবতি .
অশেষপাপান্মুক্তো ভবতি . ভক্ষ্যাভক্ষ্যপাপৈর্মুক্তো ভবতি .
সর্বমন্ত্রযোগপারীণো ভবতি . স এব ব্রাহ্মণো ভবতি .
তস্মাচ্ছিষ্যং ভক্তং প্রতিগৃহ্ণীযাত্ . সোঽনন্তফলমশ্নুতে .
স জীবন্মুক্তো ভবতীত্যাহ ভগবান্নারাযণো ব্রহ্মাণমিত্যুপনিষত্ ..
ॐ ভদ্রং কর্ণেভিঃ শ্রুণুযাম দেবা ভদ্রং পশ্যেমাক্ষভির্যজত্রাঃ ..
স্থিরৈরঙ্গৈস্তুষ্টুবাঁসস্তনূভির্ব্যশেম দেবহিতং যদাযুঃ ..
ॐ স্বস্তি ন ইন্দ্রো বৃদ্ধশ্রবাঃ স্বস্তি নঃ পূষা বিশ্ববেদাঃ .
স্বস্তি নস্তার্ক্ষ্যো অরিষ্টনেমিঃ স্বস্তি নো বৃহস্পতির্দধাতু ..
ॐ শান্তিঃ শান্তিঃ শান্তিঃ .. হরিঃ ॐ তত্সত্ ..
ইতি দত্তাত্রেযোপনিষত্সমাপ্তা ..