রাধাষোদশনামবর্ণনম্

.. রাধাষোদশনামবর্ণনম্ ..

শ্রীনারাযণ উবাচ |
রাধা রাসেশ্বরী রাসবাসিনী রসিকেশ্বরী |
কৃষ্ণপ্রাণাধিকা কৃষ্ণপ্রিযা কৃষ্ণস্বরূপিণী || ১||
কৃষ্ণবামাঙ্গসম্ভূতা পরমান্দরূপিণী |
কৃষ্ণা বৃন্দাবনী বৃন্দা বৃন্দাবনবিনোদিনী || ২||
চন্দ্রাবলী চন্দ্রকান্তা শতচন্দ্রপ্রভাননা |
নামান্যেতানি সারাণি তেষামভ্যন্তরাণি চ || ৩||
রাধেত্যেবং চ সংসিদ্ধৌ রাকারো দানবাচকঃ |
স্বযং নির্বাণদাত্রী যা সা রাধা পরিকীর্তিতা || ৪||
রাসেসেশ্বরস্য পত্নীযং তেন রাসেশ্বরী স্মৃতা |
রাসে চ বাসো যস্যাশ্চ তেন সা রাসবাসিনী || ৫||
সর্বাসাং রসিকানাং চ দেবীনামীশ্বরী পরা |
প্রবদন্তি পুরা সন্তস্তেন তাং রসিকেশ্বরীম্ || ৬||
প্রাণাধিকা প্রেযসী সা কৃষ্ণস্য পরমাত্মনঃ |
কৃষ্ণপ্রাণাধিকা সা চ কৃষ্ণেন পরিকীর্তিতা || ৭||
কৃষ্ণাস্যাতিপ্রিযা কান্তা কৃষ্ণো বাস্যাঃ প্রিযঃ সদা |
সর্বৈর্দেবগণৈরুক্তা তেন কৃষ্ণপ্রিযা স্মৃতা || ৮||
কৃষ্ণরূপং সংনিধাতুং যা শক্তা চাবলীলযা |
সর্বাংশৈঃ কৃষ্ণসদৃশী তেন কৃষ্ণস্বরূপিণী || ৯||
বামাঙ্গার্ধেন কৃষ্ণস্য যা সম্ভূতা পরা সতী |
কৃষ্ণবামাঙ্গসম্ভূতা তেন কৃষ্ণেন কীর্তিতা || ১০||
পরমানন্দরাশিশ্চ স্বযং মূর্তিমতী সতী |
শ্রুতিভিঃ কীর্তিতা তেন পরমানন্দরূপিণী || ১১||
কৃষির্মোক্ষার্থবচনো ন এতোত্কৃষ্টবাচকঃ |
আকারো দাতৃবচনস্তেন কৃষ্ণা প্রকীর্তিতা || ১২||
অস্তি বৃন্দাবনং যস্যাস্তেন বৃন্দাবনী স্মৃতা |
বৃন্দাবনস্যাধিদেবী তেন বাথ প্রকীর্তিতা || ১৩||
সঙ্ঘঃসখীনাং বৃন্দঃ স্যাদকারোঽপ্যস্তিবাচকঃ |
সখিবৃন্দোঽস্তি যস্যাশ্চ সা বৃন্দা পরিকীর্তিতা || ১৪||
বৃন্দাবনে বিনোদশ্চ সোঽস্যা হ্যস্তি চ তত্র বৈ |
বেদা বদন্তি তাং তেন বৃন্দাবনবিনোদিনীম্ || ১৫||
নখচন্দ্রাবলী বক্ত্রচন্দ্রোঽস্তি যত্র সংততম্ |
তেন চন্দ্রবলী সা চ কৃষ্ণেন পরিকীর্তিতা || ১৬||
কান্তিরস্তি চন্দ্রতুল্যা সদা যস্যা দিবানিশম্ |
সা চন্দ্রকান্তা হর্ষেণ হরিণা পরিকীর্তিতা || ১৭||
শরচ্চন্দ্রপ্রভা যস্স্যাশ্চাননেঽস্তি দিবানিশম্ |
মুনিনা কীর্তীতা তেন শরচ্চন্দ্রপ্রভাননা || ১৮||

ইদং ষোডশনামোক্তমর্থব্যাখ্যানসংযুতম্ |
নারাযণেন যদ্দত্তং ব্রহ্মণে নাভিপঙ্কজে||
ব্রহ্মণা চ পুরা দত্তং ধর্মায জনকায মে || ১৯||
ধর্মেণ কৃপযা দত্তং মহ্যমাদিত্যপর্বণি |
পুষ্করে চ মহাতীর্থে পুণ্যাহে দেবসংসদি||
রাধাপ্রভাবপ্রস্তাবে সুপ্রসন্নেন চেতসা || ২০||
ইদং স্তোত্রং মহাপুণ্যং তুভ্যং দত্তং মযা মুনে |
নিন্দকাযাবৈষ্ণবায ন দাতব্যং মহামুনে || ২১||
যাবজ্জীবমিদং স্তোত্রং ত্রিসংধ্যং যঃ পঠেন্নরঃ |
রাধামাধবযোঃ পাদপদ্মে ভক্তির্ভবেদিহ || ২২||
অন্তে লভেত্তযোর্দাস্যং শশ্বত্সহচরো ভবেত্ |
অণিমাদিকসিধিং চ সম্প্রাপ্য নিত্যবিগ্রহম্ || ২৩||
ব্রতদানোপবাঐশ্চ সর্বৈর্নিযমপূর্বকৈঃ |
চতুর্ণাং চৈব বেদানাং পাঠৈঃ সর্বার্থসংযুতৈঃ || ২৪||
সর্বেষাং যজ্ঞতীর্থানাং করণৈর্বিধিবোধিতঃ |
প্রদক্ষিণেন ভুমেশ্চ কৃত্স্নাযা এব সপ্তধা || ২৫||
শরণাগতরক্ষাযামজ্ঞানাং জ্ঞানদানতঃ |
দেবানাং বৈষ্ণবানাং চ দর্শনেনাপি যত্ ফলম্ || ২৬||
তদেব স্তোত্রপাঠস্য কলাং নার্হতি ষোডশীম্ |
স্তোত্রস্যাস্য প্রভাবেণ জীবন্মুক্তো ভবেন্নরঃ || ২৭||
ইতি শ্রীব্রহ্মবৈবর্তে শ্রীনারাযণকৃতং রাধাষোডশনাম বর্ণনম্ |