ব্রহ্মণকৃতং শ্রীরাধাস্তোত্রম্

.. ব্রহ্মণকৃতং শ্রীরাধাস্তোত্রম্ ..

ব্রহ্মোবাচ |
হে মাতস্ত্বত্পদাম্ভোজং দৃষ্টং কৃষ্ণপ্রসাদতঃ || ১||
সুদুর্লভং চ সর্বেষাং ভারতে চ বিশেষতঃ |
ষষ্টিবর্ষসহস্ত্রাণি তপস্তপ্তং পুরা মযা || ২||
ভাস্করে পুষ্করে তির্থে কৃষ্ণস্য পরমাত্মনঃ |
আজগাম বরং দাতুং বরদাতা হরিঃ স্বযম্ || ৩||
বরংবৃণীষ্বেত্যুক্তে চ স্বাভিষ্টং চ বৃতং মুদা |
রাধিকাচরণাম্হোজং সর্বেষামপি দুর্লভম্ || ৪||
হে গুণাতিত মে স্ন্হীঘ্রমধুনৈব প্রদর্শয |
মযেত্যুক্তো হরিরযমুবাচ মাং তপস্বিনম্ || ৫||
দর্শাযিষ্যাম্মি কালে চ বত্সেদানীং ক্সমেতি চ |
ন হীশ্বরাজ্ঞা বিফলা তেন দৃষ্টং পদাম্বুজম্ || ৬||
সর্বেষাং বাঞ্চিতং মাতর্গোলোকে ভারতেঽধুনা |
সর্বা দেব্যঃ প্রকৃত্যংশা জন্যাঃ প্রাকৃতিকা ধ্রুবম্ || ৭||
ত্বং কৃষ্ণাঙ্গার্ধসম্ভূতা তুল্যা কৃষ্ণেন সর্বতঃ |
শ্রীকৃষ্ণস্ত্বমযং রাধা বা হরীঃ স্বযম্ || ৮||
ন হি বেদেষু মে দৃষ্ট ইতি কেন নিরূপিতম্ |
ব্রহ্মাণ্ডাদ্ বহিরূর্ধ্বং চ গোলোকোঽস্তি যথাম্বিকে || ৯||
বৈকুণ্ঠশচাপ্যজন্যশ্চ ত্বমজন্যা তথাম্বিকে |
যথা সমস্তব্রহ্মাণ্ডে শ্রীকৃষ্ণাংশাংশ জীবিনঃ || ১০||
তথা শক্তিস্বরূপা ত্বং তেষু সর্বেষু সংস্থিতা |
পুরুষাশ্চ হরেরংশাস্বদংশা নিখিলাঃ স্ত্রিযঃ || ১১||
আত্মনো দেহরূপা ত্বমস্যাধারস্বমেব হি |
অস্যা নু প্রাণৈস্ত্বং মাতস্বত্প্রাণৈরযমীশ্বরঃ || ১২||
কিমহো নির্মিতঃ কেন হেতুনা শিল্পকারিণা |
নিত্যোঽযং চ যথা কৃষ্ণস্ত্বং চ নিত্যা তথাম্বিকে || ১৩||
অস্যাংশা ত্বং ত্বদংশো বাপ্যযং কেন নিরূপিতঃ |
অহং বিধাতা জগতাং বেদানাং জনকঃ স্বযম্ || ১৪||
তং পঠিত্বা গুরুমুখাদ্ ভবন্ত্যেব বুধা জনাঃ |
গুণানাং বা স্তবানাং তে শতাংশং বক্তুমক্ষমঃ || ১৫||
বেদো বা পণ্দিতো বান্যঃ কো বা ত্বাং স্তোতুমীশ্বরঃ |
স্তবানাং জনকং জ্ঞানং বুদ্ধির্জ্ঞানাম্বিকা সদা || ১৬||
ত্বং বুদ্ধের্জননী মাতঃ কো বা ত্বাং স্তোতুমীশ্বরঃ |
যদ্বস্তু দৃষ্টং সর্বেষাং তদ্বিবক্তুং বুধঃ ক্সমঃ || ১৭||
যদদৃষ্টাশ্রুতং বস্তু তন্নির্বক্তুং চ কঃ ক্ষমঃ |
অহং মহেশোঽনন্তশ্চ স্তোতুং ত্বাং কোঽপি ন ক্ষমঃ || ১৮||
সরস্বতী চ বেদাশ্চ ক্সমঃ কঃ স্তোতুমীশ্বরি |
যথাগমং যথোক্তং চ ন মাং নিন্দিতুমর্হসি || ১৯||
ঈস্বরাণামীস্বরস্য যোগ্যাযোগ্যে সমা কৃপা জনস্য |
প্রতিপাল্যস্য ক্ষণে দোষঃ ক্ষণে গুণঃ ||২০||
জননী জনকো যো বা সর্বং ক্সমতি স্নেহতঃ |
ইত্যুক্ত্বা জগতাং ধাতাঅ তথৌ চ পুরতস্তযোঃ || ২১||
প্রণম্য চরণাম্ভোজং সর্বেসঃআং বন্দ্যমীপ্সিতম্ |
ব্রহ্মণা চ কৃতং স্তোত্রং ত্রিসংধ্যং যঃ পঠেন্নরঃ |
রাধামাধবযোঃ পাদে ভক্তিং দাস্যং লভেদ্ ধ্রুবম্ || ২২||
কর্মনির্মূলনং কৃত্বা মৃত্যুং জিত্বা সুদুর্জযম্ |
বিলঙ্ঘ্য সর্বলোকাশ্চ যাতি গোলোকমুত্তমম্ || ২৩||
|| ইতি শ্রীব্রহ্মবৈবর্তে ব্রহ্মণ কৃতং শ্রীরাধাস্তোত্রং সম্পুর্ণং||