তুলসী স্তোত্রম্

.. শ্রী তুলসী স্তোত্রম্ ..
জগদ্ধাত্রি!নমস্তুভ্যং বিষ্ণোশ্চ প্রিযবল্লভে |
যতো ব্রহ্মাদযো দেবাঃ সৃষ্টি স্থিত্যন্তকারিণঃ ||
নমস্তুলসি কল্যাণি নমো বিষ্ণুপ্রিযে শুভে |
নমো মোক্ষপ্রদে দেবি নমঃ সম্পত্প্রদাযিকে ||
তুলসী পাতু মাং নিত্যং সর্বাপদ্ভ্যোঽপি সর্বদা |
কীর্তিতাপি স্মৃতা বাপি পবিত্রযতি মানবম্ ||
নমামি শিরসা দেবীং তুলসীং বিলসত্তনুম্ |
যাং দৃষ্ট্বা পাপিনো মর্ত্যা মুচ্যন্তে সর্বকিল্বিষাত্ ||
তুলস্যা রক্ষিতং সর্বং জগদেতচ্চরাচরম্ |
যা বিনিহন্তি পাপানি দৃষ্ট্বা বা পাপিভির্নরৈঃ ||
নমস্তুলস্যতিতরাং যস্যৈ বদ্ধাঞ্জলিং কলৌ |
কলযন্তি সুখং সর্বং স্ত্রিযো বৈশ্যাস্তথাঽপরে ||
তুলস্যা নাপরং কিঞ্চিদ্দৈবতং জগতীতলে |
যথা পবিত্রিতো লোকো বিষ্ণুসঙ্গেন বৈষ্ণবঃ ||
তুলস্যাঃ পল্লবং বিষ্ণোঃ শিরস্যারোপিতং কলৌ |
আরোপযতি সর্বাণি শ্রেযাংসি বরমস্তকে ||
তুলস্যাং সকলা দেবা বসন্তি সততং যতঃ |
অতস্তামর্চযেল্লোকে সর্বান্ দেবান্ সমর্চযন্ ||
নমস্তুলসি সর্বজ্ঞে পুরুষোত্তমবল্লভে |
পাহি মাং সর্ব পাপেভ্যঃ সর্বসম্পত্প্রদাযিকে ||
ইতি স্তোত্রং পুরা গীতং পুণ্ডরীকেণ ধীমতা |
বিষ্ণুমর্চযতা নিত্যং শোভনৈস্তুলসীদলৈঃ ||
তুলসী শ্রীর্মহালক্ষ্মীর্বিদ্যাবিদ্যা যশস্বিনী |
ধর্ম্যা ধর্মাননা দেবী দেবীদেবমনঃপ্রিযা ||
লক্ষ্মীপ্রিযসখী দেবী দ্যৌর্ভূমিরচলা চলা |
ষোডশৈতানি নামানি তুলস্যাঃ কীর্তযন্নরঃ ||
লভতে সুতরাং ভক্তিমন্তে বিষ্ণুপদং লভেত্ |
তুলসী ভূর্মহালক্ষ্মীঃ পদ্মিনী শ্রীর্হরিপ্রিযা ||
তুলসি শ্রীসখি শুভে পাপহারিণি পুণ্যদে |
নমস্তে নারদনুতে নারাযণমনঃপ্রিযে ||
শ্রী তুলসী স্তোত্রং সম্পূর্ণং.