গণেশকৃতং শ্রী রাধা স্তোত্রম্

.. গণেশকৃতং শ্রী রাধা স্তোত্রম্ ..

শ্রীগণেশ উবাচ |
তব পূজা জগন্মাতর্লোকশিক্ষাকরী শুভে|
ব্রহ্মস্বরূপা ভবতী কৃষ্ণবক্ষঃস্থলস্থিতা || ১||
যত্পাদপদ্মমতুতলং ধ্যাযন্তে তে সুদুর্লভম্ |
সুরা ব্রহ্মেশশেষাদ্যা মুনীন্দ্রাঃ সনকাদযঃ || ২||
জিবন্মুক্তাশ্চ ভক্তাশ্চ সিদ্ধেন্দ্রাঃ কপিলাদযঃ |
তস্য প্রাণাধিদেবি ত্বং প্রিযা প্রাণাধিকা পরা || ৩||
বামাঙ্গনির্মিতা রাধা দক্ষিণাঙ্গশ্চ মাধবঃ |
মহালক্ষ্মীর্জগন্মাতা তব বামাঙ্গনির্মিতা || ৪||
বসোঃ সর্বনিবাসস্য প্রসূস্ত্বং পরমেশ্বরী |
বেদানাং জগতামেব মূলপ্রকৃতিরীশ্বরী || ৫||
সর্বাঃ প্রাকৃতিকা মাতঃ সৃষ্ট্যাং চ ত্বদ্বিভূতযঃ |
বিশ্বানি কার্যরূপাণি ত্বং চ কারণরূপিণী || ৬||
প্রলযে ব্রহ্মণঃ পাতে তন্নিমেষো হরেরপি |
আদৌ রাধাং সমুচ্চার্য পশ্চাত্ কৃষ্ণং পরাত্পরম্ || ৭||
স এব পণ্ডিতো যোগী গোলোকং যাতি লীলযা |
ব্যতিক্রমে মহাপী ব্রহ্মহত্যাং লভেদ্ ধ্রুবম্ || ৮||
জগতাং ভবতী মাতা পরমাত্মা পিতা হরিঃ |
পিতুরেব গুরুর্মাতা পূজ্যা বন্দ্যা পরত্পরা || ৯||
ভজতে দেবমন্যং বা কৃষ্ণং বা সর্বকারণম্ |
পুণ্যক্ষেত্রে মহামূঢো যদি নিন্দা রাধীকাম্ || ১০||
বংশহানির্ভবেত্তস্য দুঃখশোকমিহৈব চ |
পচ্যতে নিরতে ঘোরে যাব দ্রদিবাকরৌ || ১১||
গুরুশ্চ জ্ঞানোদ্গিরণাজ্জ্ঞানং স্যান্মংত্রতংত্রযোঃ |
স চ মন্ত্রশ্চ তত্তন্ত্রং ভক্তিঃ স্যাদ্ যুবযোর্যতঃ || ১২||
নিশেব্য মন্ত্রং দেবানাং জীবা জন্মনি জন্মনি |
ভক্তা ভবন্তি দুর্গাযাঃ পাদপদ্মে সুদুর্লভে || ১৩||
নিষেব্য মন্ত্রং শম্ভোশ্চ জগতাং কারণস্য চ |
তদা প্রাপ্নোতি যুবযোঃ পাদপদ্মং সুদুর্লভম্ || ১৪||
যুবযোঃ পাদপদ্মং চ দুর্লভং প্রাপ্য পুণ্যবান্ |
ক্ষণার্ধং ষোডশাংশং চ ন হি মুঞ্চতি দৈবতঃ || ১৫||
ভক্ত্যা চ যুবযোর্মন্ত্রং গৃহীত্বা বৈষ্ণবাদপি |
স্তবং বা কবচং বাপি কর্মমূলনিকৃন্তনম্ || ১৬||
যো জপেত্ পরযা ভক্ত্যা পুণ্যক্ষেত্রে চ ভারতে |
পুরুষাণাং সহস্রং চ স্বাত্মনা সার্ধমুদ্ধরেত্ || ১৭||
গুরুমভ্যর্চ্য বিধিবদ্ বস্ত্রালংকারচন্দনৈঃ |
কবচং ধারযেদ্ যো হি বিষ্ণুতুল্যো ভবেদ্ ধ্রুবম্ || ১৮||

|| ইতি শ্রী ব্রহ্মবৈবর্তে গণেশকৃতং শ্রীরাধাস্তবনং সম্পূর্ণম্ ||