.. আরুণিকোপনিষত্ ..

.. আরুণিকোপনিষত্ .. 16

আরুণিকাখ্যোপনিষত্খ্যাতসংন্যাসিনোঽমলাঃ .
যত্প্রবোধাদ্যান্তি মুক্তিং তদ্রামব্রহ্ম মে গতিঃ ..
ॐ আপ্যাযন্ত্বিতি শান্তিঃ ..
ॐ আরুণিঃ প্রাজাপত্যঃ প্রজাপতের্লোকং জগাম . তং
গত্বোবাচ . কেন ভগবন্কর্মাণ্যশেষতো বিসৃজামীতি .
তং হোবাচ প্রজাপতিস্তব
পুত্রান্ভ্রাতৃইন্বন্ধ্বাদীঞ্ছিখাং যজ্ঞোপবীতং যাগং
স্বাধ্যাযং
ভূর্লোকভুবর্লোকস্বর্লোকমহর্লোকজনোলোকতপোলোকসত্যলোকং
চাতলতলাতলবিতলসুতলরসাতলমহাতলপাতালং ব্রহ্মাণ্ডং
চ বিসৃজেত্ . দণ্ডমাচ্ছাদনং চৈব কৌপীনং চ
পরিগ্রহেত্ . শেষং বিসৃজেদিতি .. ১..
গৃহস্থো ব্রহ্মচারী বা বানপ্রস্থো বা উপবীতং ভূমাবপ্সু
বা বিসৃজেত্ . লৌকিকাগ্নীনুদরাগ্নৌ সমারোপযেত্ .
গাযত্রীং চ স্ববাচাগ্নৌ সমারোপযেত্ . কুটীচরো
ব্রহ্মচারী কুটুংবং বিসৃজেত্ . পাত্রং বিসৃজেত্ .
পবিত্রং বিসৃজেত্ . দণ্ডা৅ংলোকাংশ্চ বিসৃজেদিতি হোবাচ
. অত উর্ধ্বমমন্ত্রবদাচরেত্ . ঊর্ধ্বগমনং বিসৃজেত্ .
ঔষধবদশনমাচরেত্ . ত্রিসন্ধ্যাদৌ স্নানমাচরেত্ .
সন্ধিং সমাধাবাত্মন্যাচরেত্ . সর্বেষু
বেদেষ্বারণ্যকমাবর্তযেদুপনিষদমাবর্তযেদুপনিষদমাবর্তয্
এদিতি .. ২..
খল্বহং ব্রহ্মসূচনাত্সূত্রং ব্রহ্মসূত্রমহমেব
বিদ্বান্ত্রিবৃত্সূত্রং ত্যজেদ্বিদ্বান্য এবং বেদ সংন্যস্তং মযা
সংন্যস্তং মযা সংন্যস্তং মযেতি ত্রিরুক্ত্বাভযং
সর্বভূতেভ্যো মত্তঃ সর্বং প্রবর্ততে . সখামাগোপাযোজঃ
সখাযোঽসীন্দ্রস্য বজ্রোঽসি বার্ত্রঘ্নঃ শর্ম মে ভব
যত্পাপং তন্নিবারযেতি . অনেন মন্ত্রেণ কৃতং বাইণবং
দণ্ডং কৌপীনং
পরিগ্রহেদৌষধবদশনমাচরেদৌষধবদশনং
প্রাশ্নীযাদ্যথালাভমশ্নীযাত্ . ব্রহ্মচর্যমহিংসা
চাপরিগ্রহং চ সত্যং চ যত্নেন হে রক্ষত হে রক্ষত হে
রক্ষত ইতি .. ৩..
অথাতঃ পরমহংসপরিব্রাজকানামাসনশযনাদিকং ভূমৌ
ব্রহ্মচর্যং মৃত্পাত্রমলাম্বুপাত্রং দারুপাত্রং বা
যতীনাং
কামক্রোধহর্ষরোষলোভমোহদম্ভদর্পেচ্ছাসূযামমত্বাহঙ্ক্
আরাদীনপি পরিত্যজেত্ . বর্ষাসু ধ্রুবশীলোঽষ্টৌ
মাসানেকাকী যতিশ্চরেত্ দ্বাবেব বা বিচরেদ্দ্বাবেব বা
বিচরেদিতি .. ৩..
স খল্বেবং যো বিদ্বান্সোপনযনাদূর্ধ্বমেতানি প্রাগ্বা ত্যজেত্
. পিত্রং পুত্রমগ্ন্যুপবীতং কর্ম কলত্রং চান্যদপীহ যতযো
ভিক্ষার্থং গ্রামং প্রবিশন্তি পাণিপাত্রমুদরপাত্রং বা .
ॐ হি ॐ হি ॐ হীত্যেতদুপনিষদং বিন্যসেত্ ..
খল্বেতদুপনিষদং বিদ্বান্য এবং বেদ পালাশং
বৈল্বমাশ্বত্থমৌদুম্বরং দণ্ডং মৌঞ্জীং মেখলাং
যজ্ঞোপবীতং চ ত্যক্ত্বা শূরো য এবং বেদ . তদ্বিষ্ণোঃ
পরমং পদং সদা পশ্যন্তি সূরযঃ . দিবীব চক্ষুরাততম্ .
তদ্বিপ্রাসো বিপন্যবো জাগৃবাংসঃ সমিন্ধতে . বিষ্ণোর্যত্পরমং
পদমিতি . এবং নির্বাণানুশাসনং বেদানুশাসনং
বেদানুশাসনমিতি .. ৫..
ॐ আপ্যাযন্ত্বিতি শান্তিঃ ..
ইতি সামবেদীযারুণিকোপনিষত্সমাপ্তা ..