.. চাক্ষুষোপনিষত্ ..

অস্যাশ্বক্ষুষী বিদ্যাযাঃ অহির্বুধ্ন্য ঋষিঃ .
গাযত্রী ছংদঃ . সূর্যোদেবতা . চক্ষূরোগনিবৃত্তযে বিনিযোগঃ .

ॐ চক্ষুঃ চক্ষুঃ চক্ষুঃ তেজস্থিরোভব . মাং পাহি পাহি .
ত্বরিতম্ চক্ষূরোগান্ শময শময . মমাজাতরূপং তেজো
দর্শয দর্শয . যথাহমংধোনস্যাং তথা কল্পয কল্পয .
কল্যাণ কুরু কুরু . যানি মম পূর্বজন্মোপার্জিতানি চক্ষুঃ প্রতিরোধক
দুষ্কৃতানি সর্বাণি নির্মূলয নির্মূলয .
ॐ নমশ্চক্ষুস্তেজোদাত্রে দিব্যায ভাস্করায .
ॐ নমঃ কল্যাণকরায অমৃতায . ॐ নমঃ সূর্যায .
ॐ নমো ভগবতে সূর্যায অক্ষিতেজসে নমঃ .
খেচরায নমঃ . মহতে নমঃ . রজসে নমঃ . তমসে নমঃ .
অসতো মা সদ্গময . তমসো মা জ্যোতির্গময .
মৃত্যোর্মা অমৃতং গময . উষ্ণো ভগবান্ছুচিরূপঃ .
হংসো ভগবান্ শুচিপ্রতিরূপঃ . য ইমাং চাক্ষুষ্মতীং
বিদ্যাং ব্রাহ্মণো নিত্যমধীযতে ন তস্য অক্ষিরোগো ভবতি .
ন তস্য কুলে অংধো ভবতি . ন তস্য কুলে অংধো ভবতি .
অষ্টৌ ব্রাহ্মণান্ গ্রাহযিত্বা বিদ্যাসিদ্ধির্ভবতি .
বিশ্বরূপং ঘৃণিনং জাতবেদসং হিরণ্মযং পুরুষং জ্যোতীরূপং
তপংতং সহস্ররশ্মিঃ শতধাবর্তমানঃ পুরঃপ্রজানামুদযত্যেষ
সূর্যঃ . ॐ নমো ভগবতে আদিত্যায .